Þetta er skrítnasta frétt sem ég hef séð lengi. Þarna eru foreldrar að gjörsamlega pimpa út 26 ára dóttur sína. Ég held ég geti ekki skrifað meira um þetta án þess að blóta óhóflega. Kíkið á myndskeiðið.

Þá er komið að næsta blætinu mínu. Það er binda-fetishið en ég hef í heildina eignast 30 bindi síðustu svona 4-5 árin. Hér má sjá þau öll:

Ég hef ótrúlega gaman af bindum og reyni að nota þau við sem flest tækifæri. Mér finnst líka gríðarlega gaman að fá bindi í gjafir (blikk blikk) og þessvegna vil ég biðja alla sem hugsanlega gætu viljað gefa mér svoleiðis að stúdera þessa mynd í þaula. Þarna sést að ég á nokkur svört, nokkur blá, 2 bleik, gult, grænt, rautt, gyllt, hvítt, silfrað, appelsínugult og svo framvegis. Svo á ég eitt mjög flott brúnt bindi með blómum sem ég fékk frá Ásdísi Eir (þó hún sé skrítin þá á hún það til að vera yndisleg og góð...OG smekkleg) í jólagjöf einu sinni. Það var pakkað inn í mjög fancy pakka sem var útlitslega það flottur að ég hef reynt að stæla það ítrekað með mjööög misjöfnum árangri.
Svo á ég tvö bindi sem hafa mjög sérstakar forsögur, önnur gleðileg og hin ekki svo mjög. Fyrra bindið er í miðjunni í þriðju röð frá vinstri (eða annarri frá hægri) og má þar sjá glitta í Eyktarmerkið. Þetta bindi var framleitt og sérísaumað í Kína fyrir 20 ára afmæli Eyktar sem haldið var upp á á skrifstofunni og vinnustöðum fyrirtækisins 17. nóvember s.l. Klöppum fyrir því! Hitt bindið er þriðja efsta í röðinni lengst til hægri. Það er svart og með áprentuðum myndum af svínum að hafa svínsleg mök (hahahah!) og mér finnst þetta frábært bindi. Ég keypti það í Danmörku sumarið eftir 6. bekk í MR og hafði í hyggju að gefa einum skemmtilegasta kennara sem ég hef haft, Árna Heimi, líffræðikennara, það en hann var þekktur fyrir skemmtilegan fatastíl. Hann lést úr krabbameini síðasta sumar og því komst ég aldrei í að gefa honum bindið. Ég mun bara halda uppi fyndnu bindamenningunni fyrir hann. Blessuð sé minningin um góðan mann!
Þá er útskýringunni á þessari áráttu lokið.

Ég elska Youtube síðuna, einfaldlega af því það er hægt að finna svo margt fáránlega fyndið og asnalegt á henni. Til dæmis er þar að finna alveg ógeeeeðslega mikið af einkahúmor eins og þetta myndband af einhverjum Íslendingum á djamminu. Það gengur út á að stelpan segir "ég vil vera með typpi...". Svaka fyndið! Síðan er alltaf klassískt að senda inn myndbönd af sjálfum sér, sérstaklega ef maður er 14 ára íslensk stelpa. Þá er alltaf mikilvægast að segja WARNING BRJÓST í lokin á nafni myndbandsins. Jafn mikilvægt er að myndbandið sýni algjört hæfileikaleysi þitt á dans- og söngvasviðinu eins og þetta myndband gerir.
Svo eru náttúrulega alltaf sígildir klassíkerar og ótrúlega fyndnir sketsar eins og Stampa med Leroy og gamalt íslenskt sjónvarpsefni frá Atla Viðari, félaga Jóns, eins og Kareókí Ísland og Kiddi vídjófluga en hann er alveg eins og Buster í Arrested development.
Njótið vel! Mæli með að horfa á þessi atriði þegar maður er þungur í skapi og veðrið er vont!

p.s. Ef einhver er að velta því fyrir sér þá stakk Ásdís Eir upp á leitarorðinu typpi á Youtube og Þórunn Lilja upp á að leita að brjóst í kjölfarið á því!

Hæ, ég heiti Ómar og ég er með blæti (fetish). Ég er með samloku-fetish. Frá því ég var lítill strákur hef ég gjörsamlega eeelskað grillaðar samlokur og það líður varla dagur sem ég fæ mér ekki samloku með skinku og osti (jafnvel e-ð aðeins meira fannsí smannsí við hátíðleg tækifæri). Nú er svo komið að ég er einnig mjög sérvitur og finnst ekki öll samlokugrill nógu góð. Uppáhalds samlokugrillið mitt núna er t.d. heima hjá Tótu. Það er þeim eiginleikum búið að það ristar brauðið (þ.e. gerir dökkar rákir í það og klemmir allsstaðar jafn mikið) og hitar það perfectly rétt. Þetta er gamalt rautt, teflon grill and I love it. Grillið sem er heima skiptir brauðinu t.d. hornrétt og gerir brauðsneiðarnar harðar en ristar þær ekki. Ég veit að George Foreman grillið (so proud of it I put my name on it) er með svona röndum en ég held að það hiti bara samlokurnar en geri þær ekki svona passlega crunchy og ég tími ekki að kaupa mér það til að verða fyrir vonbrigðum.
Ég hef jafnvel leiðst svo langt að fara og skoða "sandwich press" á Amazon en þar geturðu fengið svona veitingahúsagræju á 3000 kall, þannig að það yrði í heildina töluvert betri díll en 9000 kr GF grill. Veit e-r hvar maður getur fengið svona ristasamlokugrill eins og amma og afi áttu í gamla daga (eiga það reyndar enn...fæ mér ALLTAF samloku þegar ég fer til Húsavíkur)??

Keppnisandinn kemur dálítið upp í manni í prófum (ásamt því sem að maður man ekki neitt merkilegt til að skrifa um). Þess vegna fannst mér mjög gaman að vera með Grettuna 2007. Nú tók ég eftir því að teljarinn fer að nálgast 40.000 og fannst mér tilvalið að gefa einhver smáverðlaun fyrir þann sem verður númer 40.000. Þannig að sá sem sér að hann er fjörutíuþúsundasti gesturinn má skilja eftir komment og ég get séð út frá iptölunni hver það er :)