Alltaf pínu seinn!: maí 2004

Júbilantaball

Af hverju eru ekki öll böll jafn frábær og júbilantaballið. Það var í alla staði GEÐVEIKT, maturinn frábær, söngurinn góður (nema hjá gaurnum á gítarnum sem var falskur og drap niður alla stemningu), Vigdís Finnbogadóttir var æði og svo framvegis og svo framvegis.

Í alla staði var þetta besta skemmtun sem ég hef farið á og fær 12 stig af 10 mögulegum.

Skrifað af Ómari; sunnudagur, maí 30, 2004.

Til hamingju!!!

Til hamingju allir með að vera búin með prófin.
Engin fleiri menntaskólapróf, nei takk!!

Allir sem þurfa hvatningu, tékki á þessu... We are the champions

P.s. gæti tekið smá tíma að ná í, samt ekki langan.

Skrifað af Ómari; þriðjudagur, maí 25, 2004.

Slysaskot í Palestínu

Lítil stúlka. Lítil stúlka.
Lítil svarteyg, dökkhærð stúlka
liggur skotin.
Dimmrautt blóð í hrokknu hári.
Höfuðkúpan brotin.

Ég er Breti, dagsins djarfi
dáti, suður í Palestínu,
en er kvöldar klökkur, einn,
kútur lítill mömmusveinn.

Mín synd er stór. Ó, systir mín.
Svarið get ég, feilskot var það.
Eins og hnífur hjartað skar það,
hjarta mitt, ó, systir mín,
fyrirgefðu, fyrirgefðu,
anginn litli, anginn minn.

Ég ætlaði að skjóta hann pabba þinn.

Kristján frá Djúpalæk

Mér fannst þetta bara eiga við í dag. Af hverju geta ekki bara allir verið vinir og hætt að myrða saklaust fólk??

Skrifað af Ómari; fimmtudagur, maí 20, 2004.

Ædol

Já, í gærkvöldi varð ég sármóðgaður út í u.þ.b. 27 milljónir manna á sömu sekúndunni! Það voru allir þeir sem kusu La Toyu London út í keppninni þar vestra. Hún laut þar m.a. í lægra haldi fyrir Jasmine Trias sem kann ekki að syngja og Diönu DiGarmo sem syngur annars ágætlega en er of skræk fyrir minn smekk.
Ég hafði spáð því að La Toya London og Fantasia Burrino yrðu í úrslitaþættinum en þær voru tvær neðstar í gær.
Ef að Jasmine og Diana verða í úrslitaþættinum þá ætla ég ekki að horfa!

Skrifað af Ómari; laugardagur, maí 15, 2004.

N-Y-L-O-N

Jæja, nú er Einar Bárða (lesist með ógeðistón í röddinni) orðinn verksmiðjuframleiðandi. Hann framleiðir hið geisivinsæla sokkabuxnaefni nælon, sem eins og allir vita gerir læri kvenmanna og afturhluta stinnari en þeir eru í raunveruleikanum.
En nóg um sokkabuxurnar. Nælonið hans Einars Bárða (munið hvernig á að lesa) er tilbúin hljómsveit skipuð „sætum“ stúlkum á svipuðum aldri og ég er, þ.e. nokkurn veginn tvítugar. Eflaust eru þetta ágætis stúlkur svona almennt, en málið er bara að þær kunna ENGAN veginn að syngja! Sem er ókostur þegar maður vinnur við tónlist.
Stúlkur þessar eru að mínu mati ekki heldur nógu aðlaðandi, þegar þær eru málaðar með mörgum lögum af dökkri málningu. Af hverju er ekki bara hægt að hafa þær aðeins eðlilegri? Að mínu mati er konan fallegri þegar hún er minna máluð heldur en þessar píur.
Eins og með allt nælon býst ég við að það endist ekki lengi, það kemur lykkjufall á þessar sokkabuxur eins og aðrar við fyrstu notkun og þær hverfa á braut.

En að öllu leyti er þessi dagur mjög góður, erfðafræðin búin og bara eitt skriflegt stúdentspróf eftir... Vei :)

Skrifað af Ómari; .

Hið fullkomna bankarán!

Já, í leikfimi í vetur ræddum við um hið fullkomna bankarán og hyggst ég hrinda því í framkvæmd á næstu dögum.
Þeir sem vilja vera með í þessari skotheldu áætlun mega bara senda mér komment.
Bankaránið mun gefa af sér um 50.000.000 króna og fer þannig fram:

1. Við förum inn í bankann og smokrum okkur inn í peningageymslu.
2. Þar munum við svo diffra peningaupphæðina 50.000.000 sem eins og glöggir menn sjá hefur ekki fastann x og þar af leiðandi verður d/dx 50.000.000 = 0 þannig að peningarnir hverfa
3. Síðan trítlum við bara heim á leið og enginn tekur eftir neinu
4. Þegar heim er komið er lítið mál að tegra bara peningana til baka og fara að eyða
5. Ef lögreglan kíkir í heimsókn er auðvelt að diffra peningana bara aftur og tegra þá þegar hún er horfin á braut

Bulletproof, ekki satt??
Auglýsi hér með eftir einstaklega duglegum diffrurum/tegrurum sem vilja græða mikið

Ómar

Skrifað af Ómari; föstudagur, maí 14, 2004.

Well well well

Gaman að þessu!

Nú er bara verið að hvetja mann til að blogga en eins og sjá má hef ég verið Virkilega duglegur við það!

Vonandi að ég geti bætt úr því eftir próf!
Á meðan bendi ég fólki á þetta
Pís át

Skrifað af Ómari; fimmtudagur, maí 13, 2004.

Um mig

Aðrir fallegir bloggarar

Annað gott á netinu

Síðustu færslur

Skjalasafnið