Alltaf pínu seinn!: maí 2006

Frelsið er yndislegt, ég geri það sem ég vil!

Það er ótrúlega gott að vera í fríi.
Því til sönnunar þá vaknaði ég klukkan tvö í dag og ákvað klukkan fjögur að fara til Húsavíkur. Nú er ég að bíða eftir Þórunni, a.k.a. fallegu stelpunni, til að geta lagt af stað. Ef einhver vill ná í mig þá er ég með símann. 822-4466. Kannski verð ég samt utan þjónustusvæðis að njóta blíðunnar á Húsavík. Eða í náttúruböðunum á Mývatni. Kannski! Q.E.D.

p.s. Ég er ástfanginn og það er gaman!

Skrifað af Ómari; miðvikudagur, maí 31, 2006.

Búinn...

...í prófum...

...JIBBÝ...

...Farinn í sund!!

Skrifað af Ómari; mánudagur, maí 29, 2006.

Prussian blue

Það er ótrúlegt hver máttur heilaþvottar er. Það er eins og því séu engin takmörk sett hverju er hægt að koma inn í kollinn á fólki. Ranghugmyndir og rugl sem börn eru alin upp í og þau fara síðan að trúa. Þessa hljómsveit uppgötvuðum við Tryggvi, bekkjarbróðir og snillingur með meiru, þegar við vorum að lesa fyrir höfuð og háls anatómíuna í fyrra. Okkur leiddist og fórum þessvegna fram á gang að lesa Grapevine og spjalla og rákumst á mynd af þessum annars saklaust útlítandi 13 ára stelpum. Þær voru í hljómsveit og hæfileikaríkar stelpur, spila á öll hljóðfærin og syngja og allt...gott og blessað!

Það var ekki það sem við rákum augun í heldur sú staðreynd að hljómsveitin er White Pride hljómsveit og að þær höfðu mjög ákveðnar og "forritaðar" skoðanir á hlutunum og vildu t.d. meina að Bandaríkin væru betur sett án allra þessara ógeðslegu innflytjenda. Merkilegt alveg hreint. Ég hvet alla til þess að kíkja á heimasíðuna þeirra....þetta er í rauninni eitthvað sem fólk verður að sjá til að trúa! Myndin af snjókallinum var tekin í ferð þeirra systra út í snjóinn og sýnir uppáhaldskallinn þeirra!

p.s. Til að sjá heimasíðuna þeirra má smella á fyrirsögn færslunnar. Ég hvet fólk til að líta líka á bloggið þeirra sem má fara inn á í gegnum heimasíðuna. Þar eru margar góðar færslur og m.a. umfjöllun um nýju plötuna "The path we chose"!

Skrifað af Ómari; föstudagur, maí 26, 2006.

Síðasta vika í grófum dráttum!

Gekk ágætlega í prófinu
Fór 3svar á hestbak með fallegri stúlku, mjög gaman
Reyndi að setja upp æðalegg 2svar, gekk ekki nógu vel, en allt er þegar þrennt er
Leyfði tveimur að setja æðalegg upp hjá mér sem tókust misvel og er þessvegna með marbletti báðum megin
Fylgdist með nokkrum framkvæmdum á spítalanum, berkjuspeglun, útskolun, hjartaómun og fleira...loksins farinn að hafa áhuga á þessu öllu
Hitti Ella vin minn sem ég hef ekki hitt síðan fyrir áramót
Hafði það gott...lífið er fínt!
Myndir úr matarboðinu hjá Ásdísi eru komnar inn á myndasíðuna

p.s. Ég bíð eftir að Ásdís komi með perralegan brandara um titilinn :)
p.p.s. Nokkrir draftar bíða þess að líta dagsins ljós, geri það þegar ég er búinn í prófum... f(h)ræðileg aðferð er á mánudaginn!

Skrifað af Ómari; fimmtudagur, maí 25, 2006.

Já, ég er í prófum....

...lofa að blogga almennilega á föstudaginn!

Skrifað af Ómari; mánudagur, maí 15, 2006.

Ég fékk hugmynd!

Af hverju fer Leoncie ekki að endurgera íslensk dægurlög í stað þess að vera að semja sín eigin? Hver myndi ekki vilja heyra hana syngja gömlu slagarana hans Bjögga? ímyndið ykkur bara íðilfagra rödd hennar í lögum eins og „Ég sá hana í horninu á Mánabar....“ Þá getur hún líka ekki klikkað á textanum eins og hún gerir í sínum lögum.
Svo gæti hún líka auðvitað breytt aðeins um ímynd, farið t.d. að taka lög með Bubba (ég meina, skemmtarinn, röddin hennar og Stál og hnífur...blanda sem getur EKKI klikkað!).

Skrifað af Ómari; fimmtudagur, maí 11, 2006.

Þeir sem kommenta...

...á þessa færslu eru frábært og fallegt fólk og fá að launum fallegt komment um sig. (*)
Þeir sem ekki kommenta, gera það bara ekki. (**)

(*) Já, mér leiðist óendanlega í tíma og vantar e-ð til að stytta mér stundirnar. Ég er búinn að fara blogghringinn tvisvar og tékka á póstinum þrisvar sinnum OG skoða b2.is síðustu vikuna.

(**) Já, þeir koma samt til með að brenna í helvíti fyrir að gera það ekki.

Skrifað af Ómari; þriðjudagur, maí 02, 2006.

Um mig

Aðrir fallegir bloggarar

Annað gott á netinu

Síðustu færslur

Skjalasafnið