Respect for the man in the ice-cream van!!
Jæja, þá get ég dáið sáttur...ég er búinn að hitta Scooter (eða þ.e.a.s. gimpið með aflitaða hárið sem syngur í Scooter, veit ekkert hvað hann heitir!). Þannig er mál með vexti að kveðjupartý Þórunnar Helgu leiklistarspíru var haldið á Pravda bar, hvar Scooter ætluðu einnig að halda eftirpartý eftir tónleikana sína. Í nettu flippi ákváðu Þura og Ásdís Eir að ef þær myndu hitta hann þá myndu þær láta hann skrifa á rassinn á sér. Þegar Bjarni stórmeistari lét okkur vita að hann væri kominn marséraði öll hersingin að honum (ég sem hélt að fólk hefði verið að grínast) og voru Ásdís og Þura fremstar í flokki. Þar beilaði Ásdís feitast á planinu og lét hann skrifa á brjóstið á sér en Þura var „hardcore“ og fór alla leið..fékk bara þessa fínu undirskrift á hægri rasskinnina. Auk þess fóru Jón Eðvald og Anna og fengu áritanir á hendurnar.
Þetta var nú meira súra, súra mómentið... en samt gaman að sjá þennan gaur svona í návígi. Ekki gaman að sjá að hann var með maskara!
p.s. Ég bið alla íslenskusinnaða bloggara fyrirfram afsökunar á öllum enskuslettunum í þessari klausu. Maður verður bara svo „ofursvalur“ á að tala um Scooter.



Í óðagoti mínu varð ég 3000-asti svo verðlaunin fara til þess sem er 3029 á teljaranum



Og svo er bara 3000 gesturinn að fara að droppa inn... ég skulda Unu enn koss fyrir að vera númer 2000 en ég ætla að efna það! Því er nú kominn tími á að tvöfalda bara (double or nothing sko) verðlaunin handa þeim sem verður númer 3000. Sá mun fá 2 kossa eða 2 handabönd :)

Einnig er hér mjög góð mynd af Ásdísi Eir síðan í Selsferðinni í 3.H. Njótið! (smellið á mynd fyrir stækkun - tek enga ábyrgð á afleiðingunum!!)

Einnig legg ég til að Karþagó verði lögð í eyði.





Bestu hugmyndir mannsins....

...verða alltaf til í svefngalsa, í baði eða á klósettinu! Svefngalsahugmyndirnar eru þó óneitanlega skemmtilegastar, baðhugmyndirnar og klósetthugmyndirnar eru aftur á móti „útpældari“. Nokkrar góðar hugmyndir hafa skotið upp kollinum síðustu daga, í miklum svefngalsa og huuundleiðinlegri efnafræði.
T.a.m. var ég að velta því fyrir mér hvort uppáhaldslag efnafræðinga væri „Under pressure“ (samanber pV = nRT) og hvort það væri ekki raulað á öllum uppákomum (svona svipað og Gaudinn).
Einnig er ég að velta fyrir mér framleiðslu á kvikmyndum í efnafræðidúr, spennumyndum notabene, og er í viðræðum við Steven Spielberg og Sigurjón Sighvats með þau mál. Einnig er ég að falast eftir Sturlu Böðvars til að taka að sér hlutverk í myndinni (eða myndunum). Þar sem viðræður eru enn á viðkvæmu stigi get ég lítið tjáð mig um málið. Þó er nánast allt á hreinu með tvær persónur í myndinni. Þær eru Afjónarinn (The Deionizer) og svo Fjölliðarinn (The Polymerizer) og kæmi jafnvel til greina að ríkisstjóri Kaliforníuríkis, Arnold Svartshneggir, gæti leikið fjölliðarann. Ef ég fæ hann ekki þá er hægt að hugsa sér að einhver minna þekktur leiki hann, George Bush mundi örugglega gera það fyrir slikk vegna auglýsingarinnar. Loks er ein persóna enn sem er í mótun en það er Sameindarmaðurinn (The molecular man).
En það þarf enginn að örvænta, áheyrnarprufurnar verða á sínum stað og allir sem ættu að geta nælt sér í hlutverk í þessari stórskemmtilegu mynd! Ég býst við meiri aðsókn en í Idolið. Einnig er ég að leita að góðum slagorðum fyrir myndina en er kominn með eitt:
(Lesist með Pablo Fransisco rödd)
„Frá leikstjóra Jurassic Park kemur spennumynd með efnafræðiívafi....títruð með skerf af húmor fram að jafngildispunkti“. Gott, ekki satt??

Að lokum er það svo svefngalsa/aulabrandari dagsins:
Hefurðu heyrt um appelsínuna sem datt í sjóinn?
Nei...
Það var sko allt í lagi, hún náði að skera sig í báta áður en hún lenti... hahahaha



Jájá, ekki er öll vitleysan eins.... þetta fann ég á huga.is og grét af hlátri þegar ég hlustaði á þetta. Merkilegt nokk, þá hljómar þessi stelpa svolítið líkt og Þórunn Helga þegar hún talar ensku!!



Af kynningu og fleiru
Aldrei hef ég nú stigið á svið áður gagngert til að kynna mig og svona fyrst ég er farinn að spá í það þá fer ég ekkert oft upp á svið svona almennt. Það gerðist þó síðastliðið föstudagskvöld á Gauk á Stöng en þá fór hin formlega busakynning (eða „nýnemakvöld“ svona til að vera dipló) fram. Allir 1. ársnemar áttu að stíga á stokk og segja í míkrafóninn (hljóðnemann sko) hvað þeir hétu, aldur, menntaskóla (eða framhaldsskóla eða e-ð álíka gáfulegt), hjúskaparstöðu og hvort viðkomandi væri læknabarn. Á undan mér gekk allt nokkuð vel, mikið var um klapp og svona en fólk var farið að þreytast þegar komið var um miðja röð (þar sem ég var). Hér á eftir fer raunútgáfa af kynningunni:

  • Ég: Góða kvöldið, Ómar Sigurvin heiti ég
  • Salur: *klapphljóð* frá einum einstaklingi
  • Ég: Ég er þriðji yngstur á 1. ári og verð tvítugur 21. desember n.k.
  • Ég: Kem úr MR, 6.M., líkt og margir á undan mér í röðinni
  • Salur: Enginn klappar en svona fimm sem eru kurteisir og púa svona *púhhhhhhhh*
  • Ég: Ég er einungis annar úr 1000 manna ættinni minni sem fer í læknisfræði þannig að ég er ekki læknabarn og er á föstu
  • Salur: Næsti maður á eftir mér í röðinni klappar en svona fimm manns (sömu fimm??) púa þegar ég geng af sviðinu

Já, þetta var gaman...að vera púaður niður þegar ég sagði nú ekkert sem vert er að púa yfir. En reyndar léði Lilja Rut, bekkjarsystir og Stöðvarfirðingur, máls á því að hugsanlegt væri að fólk hefði verið að púa vegna þess að ég sagðist vera á föstu. Þessi viðleitni hennar vakti hjá mér bros og hugsanlegt að hún hafi haft rétt fyrir sér :) Eitt sem styður þessa kenningu hennar ekki er samt það að ég heyrði bara svona digurbarkaleg kallapú!!

En þetta var alls ekki svo slæmt, föstudagurinn var í alla staði alveg brilljant og fólkið frábært. Sérstaklega er líka frábært að við höfum ákveðið að fara saman í fótbolta í Sporthúsinu á þriðjudögum í vetur og fórum í fyrsta tímann í dag. Það var G-A-M-A-N.

En allavegana, nú er Bjarney Anna sennilega komin til Düsseldorf og við hana segi ég bara Viel Spass.

Bis später

p.s. Eftir að ég hætti að læra þýsku og dönsku finnst mér geðveikt gaman að tala þessi tungumál svona einstaka sinnum. Merkilegt, sérstaklega í ljósi þess að ég hataði dönsku meira en pickles-ið á McDonald's



Og þá kom trukkur!!!
Nú hefur hálfgerð lágdeyða ríkt í bloggheiminum undanfarna daga og skyldi engan undra! Nú eru skólarnir nefnilega byrjaðir af fullum krafti, fólk að nýta síðustu geisla sólarinnar til að komast út á land áður en myrkrið og kuldinn skella yfir. Veðrið í ágúst var frábær endir á annars ágætu sumri af minni hálfu en nú er maður sko ekki í neinu fríi....læknisfræðin krefst mikils af nemendum sínum og nú er það efnafræðin sem er að sliga mann, tæpar tvær vikur búnar en lesefnið komið upp í 550 bls. Það er alls ekki ætlun mín að básúna reglulega um lesáætlun mína, datt bara svona í hug að nefna það. Annars er félagslíf Háskólans og deildarinnar að glæðast aðeins (hélt fyrst að það væri ekkert) en föstudagurinn er þéttskipaður:
Í hádeginu er kökuboð með 2. árs nemum á Læknagarði
Klukkan 5 er móttaka með kennurum og fleirum á Skólabæ
Klukkan 5.30-8/9 er partý hjá Þorbirni
Klukkan 8/9 - óendanlegt er „nýnemakvöld“ á Gauk á stöng
Svo þetta er barasta allt gott og blessað. Ég er fullur tilhlökkunar fyrir vetrinum og er viss um að hann verður góður (sérstaklega þegar efnafræðin er búin!!)


Um mig

  • Ég heiti Ómar Sigurvin
  • og kem frá Húsavík
  • Meira

Aðrir fallegir bloggarar


Annað gott á netinu

Síðustu færslur

Skjalasafnið

Free Hit Counters eXTReMe Tracker


eXTReMe Tracker