1) Ég elska, elska, elska kjúkling en ég hata, hata, hata fisk!

2) Ég er með geðsjúkdóm sem ég veit ekki hvort að hefur verið læknisfræðilega skilgreindur en ég ætla að nefna hann Camper-mania. Hann er afskaplega einfaldur í reyndinni en ólæknanlegur og illvígur. Hann felur einfaldlega í sér stöðuga þrá í eins og eitt par (eða fleiri) af Camper skóm. Í dag á ég 7 pör af þeim!

3) Ég er flughræddur, lofthræddur og myrkfælinn, skemmtileg blanda! :)

4) Ég er skíthræddur um að falla á áfanganum sem ég er í núna...og þessvegna ætla ég að drífa mig að lesa aftur!

5) Ég hef aldrei vangað! Aftur á móti setti ég oft lagið You are not alone með Michael Jackson á eftir opin hús í 7. bekk og lét mig dreyma um hvað það hefði verið gott ef ég hefði þorað að bjóða upp stelpunni sem ég var skotinn í. You are not alone var sko HEITASTA vangalagið í Seljaskóla!

Ég mun klukka einhverja von bráðar! Pís át!
Klukkan 00.07: Ég klukka Bjarneyju Önnu, Hrafnhildi Svisslending, Helgu Dögg, Birki Vagn og Frank. Ég er of þreyttur til að tékka á hvort þau hafi verið klukkuð, sorrý!

Nostalgía eða hvað???

Nú sit ég hérna á Læknagarði og drekk í mig fróðleik um vefjafræði úr hinni stórskemmtilegu bók Human histology e. Stevens (mæli með henni fyrir unnendur góðra reyfara! Hún er svakaleg og kaflinn um þekjuvefina heldur manni bara í heljargreipum! Einn gagnrýnenda lýsti því þannig: „ég gat bara ekki lagt frá mér bókina fyrr en hún var búin“). En allavegana, sem ég sit hér og læri, hlusta ég alltaf á tónlist í heyrnartólum til þess að létta lundina. Mér finnst sérstaklega gaman að hlusta á gömul, mjög vinsæl lög sem vekja hjá manni nostalgíufílinginn og maður getur tengt þau við einhvern skemmtilegan stað, tíma eða persónu. Nokkur lög eru í sérstöku uppáhaldi hjá mér í þessu samhengi:

Blur - Country house
Hver man ekki eftir Blur æðinu?? Þetta lag minnir mig bara á félaga mína úr grunnskóla sem nauðguðu þessu lagi algjörlega.

Fool’s garden - Lemon tree
Þetta lag tengi ég við svipað tímabil en þetta var VINSÆLASTA lagið á diskótekum og opnum húsum þegar ég var í 7. bekk TR í Seljaskóla. Það var árið 1996-1997. Vááá, hvað maður er orðinn gamall!

Oasis - Wonderwall
Ummmm....þetta lag er tengt mörgum góðum minningum frá skemmtilegri ferð í enskuskólann í Framlingham sumarið eftir fermingu, árið 1998. Lagið var þó gefið út nokkuð fyrr.

Cranberries - Zombie
England aftur! Þetta lag var mikið spilað í frjálsum tímum og gerð verkefni um lagið. Kennarinn, Trevor Langles hélt mikið upp á það. Hann leit ALVEG eins út og Mick Jagger, enda var hann bara kallaður Jagger!

Sasha - I feel lonely
Langmest spilaða lagið í Þýskalandi 1999. Mjög skemmtilegt myndband líka!

Dion - Runaround Sue
Þegar við seldum íbúðina í Flúðaseli 72 var húsið okkar að Brúnastöðum 63 ekki tilbúið og í millitíðinni fluttum við í leiguíbúð í Spóahólum 8. Þar var fátt að gera og mjög þröngt á þingi. Þegar ég kom heim eftir skóla hafði ég það oftast fyrir vana að vaska upp og hlusta á Bjarna Ara á Létt 96,7 (eða hvort hún hét ekki bara Aðalstöðin þá) og hann spilaði þetta alltaf í sínum þáttum. Hresst lag, sko.

Los del Rio - Macarena
Ókei, hver kann ekki Macarena dansinn?? Þessi dans var út um allt. Ég man að við vorum meira að segja með danskennslu fyrir foreldra okkar á foreldrakvöldi þegar ég var í 6. eða 7. bekk. Þessi dans er mjög kjánalegur en jafnframt æðislega einfaldur og skemmtilegur. Pabbi gat meira að segja dansað hann!!

Talandi um Macarena, þá man ég skyndilega eftir strumpalagadisknum sem gefinn var út sem var með íslenskuðum og breyttum texta af svona vinsælum lögum. Hann var fyndinn.

Man ekki fleiri í bili, en endilega segið mér frá ykkar nostalgíulögum. Hvaða lög eru það sem vekja upp mjög sterka fortíðarþrá?? Hvaða lög eru það sem eru mjög fasttengd ákveðinni minningu?