Alltaf pínu seinn!: júlí 2004

Ok..ég vona að enginn kæri mig fyrir að nota gömlu myndirnar hans Guðbjarts. Þetta er allt í lagi, þær voru lélegar af okkur öllum :)
Mér datt bara svona í hug að skella þessu á blað en gæðin eru ekki þau allra bestu.
Ég veit að margir síðustu póstar hafa fjallað um læknisfræði og hyggst ég bæta úr því í bráð með eiturhressum og góðum póstum. Því vil ég nota tækifærið í þessum pósti og deila því með ykkur (þá á ég við hina fjölmörgu ofurdyggu lesendur þessarar síðu) að ég skil stundatöfluna engan veginn. Ef einhver þarna úti hefur stúderað hana þá væru leiðbeiningar vel þegnar. Takk.
Mér finnst skólinn líka byrja of snemma!
Auk þess legg ég til að Karþagó verði lögð í eyði.

Skrifað af Ómari; föstudagur, júlí 30, 2004.

Due to popular demands!

Jæja, nú hefur fólk svolítið verið að forvitnast um gengi mitt í inntökuprófinu og nú síðast var það hin yndislega Hrefna sem vildi fá að vita það og lét hún þau orð falla að margir væru forvitnir. Jæja, jæja, ég held að fólk þurfi ekki að velta sér upp úr því lengur því nú hyggst ég svipta hulunni af því sem ég ætlaði að halda leyndu en sá síðan að það þýddi hvort eð er ekki neitt.

....

Ég var númer 1 í inntökuprófinu.

Gaman að því.

Skrifað af Ómari; fimmtudagur, júlí 29, 2004.

Kominn heim í heiðardalinn!!

Jæja, nú er maður kominn heim frá Þýskalandi en sú ferð er ástæðan fyrir bloggleysi síðustu tveggja vikna. Takk fyrir að vera duglega að kommenta. Við vorum nefnilega í algjöru tölvu- og símabanni á meðan á Ólympíukeppninni í efnafræði stóð. Eftir að símabanninu lauk og ég fékk símann minn aftur í hendur byrjaði ég strax að reyna að komast að því hverjir yrðu með mér í læknisfræðinni næstu árin og sýnist mér á öllu að þetta sé fríður flokkur fólks sem mun vera þar og er það mjög gleðilegt. Til hamingju, allir!!
Annars urðum við í 3. sæti í ratleiknum og þá var fagnað „Eurovision-stæl“, þ.e. hoppað asnalega, veifað og öskrað. Það var bara gaman. Auk þess sömdum við lag sem við sungum á leið í bæði prófin og auk þess þegar við vorum klöppuð upp til að syngja það. Vakti lagið og textinn mikla kátínu og verður að reyna að halda því sem landsliðslagi Íslands í efnafræði.
Textinn er svona (sunginn í hermannastíl, þ.e. hver lína forsungin og svo endurtekur liðið í hálfgerðu öskri/kalli):

Amma þín er arómati
Við komum frá rassagati
Okkur er sama´ um massa´ og mól
Við kunnum ekki´ á þessi tól

Kennarinn okkar drekkur bjór
Bullerjahninn er svaka stór
Ómar sefur með Indverja
Símon er fremstur gædanna

Ísland, klapp, klapp, klapp (þrisvar sinnum)
Saltkjöt og baunir, túkall

Það var alveg frábært að þýða textann á ensku og þýsku fyrir fólk, mikil steik. Annað erindið þarfnast e.t.v. útskýringa en kennarinn sem um ræðir var Már en hann var svoldið að fá sér léttöl í laugardagstímunum, Bullerjahninn er Jakob Tómas Bullerjahn sem var í liðinu (og um 2 metrar á hæð), ég var með Indverja sem herbergisfélaga (hann heitir Sushant) og Símon Klupfel var þýski gædinn okkar úti.
Þessi ferð var í alla staði algjörlega frábær, geðveikt fólk og góð stemming. Auk þess spillti ekki fyrir að við vorum að skemmta okkur í tvo sólarhringa með þjálfurunum (og íslenskum efnafræðinemum sem búa úti) í kóngsins Köbenhávn og held ég að það séu með skemmtilegri dögum mínum í útlöndum. Þjálfararni, Gísli Hólmar og Finnbogi Óskarsson, voru miklir húmoristar og skemmtilegir karlar í alla staði.
Jæja, ég mætti í vinnu í morgun svo það er best að halda áfram að gera eitthvað, restin af blogginu kemur seinna í dag.

Skrifað af Ómari; miðvikudagur, júlí 28, 2004.

Júhúúú...!! Here I come!

Hverjir komust inn?

Skrifað af Ómari; fimmtudagur, júlí 15, 2004.

Biðin er senn á enda..

Mér þykir mjög merkilegt hve nokkrir dagar geta verið lengi að líða. Þessir nokkru dagar eru nánar tiltekið þeir 16 dagar sem eru liðnir frá inntökuprófinu(prófunum!) en ég held að ég hafi aldrei upplifað lengri daga. Ég vona að þeir skili niðurstöðunum á laugardaginn eins og þeir sögðust ætla að gera. Ég vona að ég komist inn. Ég vona að John Kerry vinni kosningarnar. Halló, halló, hvaðan kom þetta??

En allavegana, þá er ég byrjaður að „vinna“. Vinnan mín er ágæt, frá u.þ.b. 8.30-18.00 á daginn og felst í því að hlusta á efnafræðimastera og -doktora tala um efnafræði fyrir hádegi, borða síðan eitthvað smáræði og svo er verkleg æfing eftir hádegi. Hún er yfirleitt í lengri kantinum, um 5 tímar, en ætíð mjög fróðleg (sbr. það sem stendur alltaf í verkbókunum mínum úr MR). Ég held ég sé kominn með sinaskeiðabólgu af títrun þar sem að við höfum örugglega títrað í um 12 klst. og erum að fara að gera lokatítrun á morgun. Svo eru ólympíuleikarnir í Kiel í næstu viku. Við tökum þetta með trompi og förum fyrst til Kaupmannahafnar í tvo daga þar sem við munum skemmta okkur konunglega. Síðan eru ólympíuleikarnir sjálfir einungis tveir dagar en allir hinir dagarnir eru leikur einn. Þetta verður gaman.

Skrifað af Ómari; fimmtudagur, júlí 08, 2004.

Hæhæ. Þetta er ég í góðu gamni í eðlisfræði hjá Birni Búa, að ég held í síðustu vikunni minni í MR. Gaman! :)
Smellið á myndina fyrir stækkun.

Skrifað af Ómari; .

Um mig

Ég heiti Ómar Sigurvin
og kem frá Húsavík
Meira

Aðrir fallegir bloggarar

Annað gott á netinu

Síðustu færslur

Skjalasafnið