Alltaf pínu seinn!: apríl 2005

Afeitrun og spjaldhryggjarjöfnun

Já, það er ótrúlegt hvað fólk lætur narra sig út í. Hvað ætli t.d. þetta kosti? Jónísk tíðni send um líkamann í gegnum fæturna. Say what? Skemmtilega steikt.
Svo er það náttúrulega gamla góða árublikið sem hægt er að láta teikna fyrir masse penge. Það er sniðugt.
Og að lokum er það höfuðbeina- og spjaldhryggjarjöfnun. Það er merkilegt fyrirbæri, þar sem ég sem fávís læknanemi þekkti ekki kosti þess að láta jafna höfuðbeinin mín (sem voru ójöfn fyrir ??) en eftir að lesa þessa síðu þá langar mig mikið að láta ræna mig hjá þessu fyrirtæki sem segist geta læknað nánast allt sem hrjáir okkur í daglegu lífi (smella á nánar til að sjá listann).
Ég er að hugsa um að eyða frekar í eitthvað annað, kannski skó! Þeir eru allra meina bót!

Skrifað af Ómari; sunnudagur, apríl 17, 2005.

Gott myndefni?

Já, svona eru jólamyndirnar af mér!! Ég á það nefnilega til að gretta mig þegar fólk tekur myndir og er þetta eitt versta dæmið sem hefur náðst á filmu. Myndin er tekin í jólaboði hjá Ásdísi Eir, þeirri prýðisstúlku. Ég held ég fari að láta af þessum grettuósið :)

Skrifað af Ómari; laugardagur, apríl 09, 2005.

Pæling.

Þeir sem trúa að guð hafi skapað mannkynið með Adam og Evu gera ráð fyrir að:

1. Guð hafi skapað Adam og Evu í fullvaxinni mynd.
2. Að Adam og Eva hafi verið fyrstu einstaklingarnir á jörðinni og að af þeim séu allir menn komnir.

En nú langar mig að vita eitt! Á myndum sem gerðar hafa verið af því hvernig listamenn sjá þau fyrir sér, þá eru þau alltaf MEÐ NAFLA. Ef að þau eru fyrstu mannverurnar, hvernig geta þau þá verið með nafla? Naflinn er bara staðurinn þar sem naflastrengurinn gekk inn í fóstrið við fósturþroskun. Ég held að listamennirnir hefðu átt að sleppa naflanum til að hafa þetta aðeins trúverðugra.

(Ofangreindur texti er einungis hugarsmíð þess er hann ritar og endurspeglar á engan hátt hugmyndir 365 ljósvakamiðla eða Baugs group)

Skrifað af Ómari; föstudagur, apríl 08, 2005.

Af lærdómstónlist!

Ég hef alltaf hlustað á tónlist á meðan ég læri og er ómögulegur ef ég er ekki að hlusta á eitthvað. iPodinn minn er mesta snilldartól sem ég hef fengið og gerir mér kleift að hlusta á tónlistina af fullum krafti á lesstofunni. Takk mamma!

Tónlistin er oftast ekki lykilatriðið, fattaði það þegar ég stóð mig að því að læra anatómíu með Rammstein á blasti. Það er ekkert jafn hressandi og að lesa um upphandleggsvöðva og hlusta á „Mutter, mutter, muttttteeeeeeerrrrrrr“. Síðan vaknaði ég einu sinni upp við það að lesa erfðafræði og hlusta á Dragostae din te (eða Mariah hi mariah ha mariah aha fyrir þá sem skilja það).

Það eru þó einstaka skipti þar sem tónlistin skiptir höfuðmáli. Eini klassíski diskurinn sem ég hlusta á er Brandenburger-konsertinn með Johannes Sebastian Bach og er hann bara tekinn fram ef ég þarf að muna eitthvað sérstaklega vel. Hann var m.a. í stöðugri spilun allar helgar fyrir lesin stærðfræðipróf í MR og var maður orðinn sæmilega klikkaður á að hlusta á sama klukkutímann svona 20 sinnum í röð. En ég held að það hafi skilað árangri.

Skrifað af Ómari; miðvikudagur, apríl 06, 2005.

Ég er með glóðarauga, marið kinnbein og dofið nef!
Fótbolti er hættuleg íþrótt og þess vegna er betra að horfa bara á fagmennina í sjónvarpinu (sérstaklega væri gaman að horfa á Liverpool-Juventus í kvöld).
Myndir koma síðar...litabrigði glóðaraugans eru að koma fram.

Skrifað af Ómari; þriðjudagur, apríl 05, 2005.

Desperate housewives...
....eru frábærir þættir. Ég hef aldrei nennt að fylgjast með þáttaröðum í sjónvarpi (nema kannski Idol) en þetta er e-ð sem ég er mjög spenntur fyrir. Mæli með þessu fyrir alla!

Skrifað af Ómari; mánudagur, apríl 04, 2005.

Um mig

Ég heiti Ómar Sigurvin
og kem frá Húsavík
Meira

Aðrir fallegir bloggarar

Annað gott á netinu

Síðustu færslur

Skjalasafnið