Alltaf pínu seinn!

Published mánudagur, janúar 29, 2007 by Ómar | E-mail this post

Grettukeppni ársins 2006!

Eins og fólk man kannski eftir þá var ég með 10 verstu (bestu) grettumyndir ársins 2005 í fyrra og gerði þær opinberar hér á síðunni, þar sem hægt var að greiða sínum uppáhalds myndum atkvæði. Nú hef ég ákveðið að fara í svipaðan farveg en með breyttu sniði. Í stað þess að vera með myndir af sjálfum mér, ætla ég að biðja ykkur um að senda mér vænlegasta kandídatinn ykkar, það má vera mynd af ykkur sjálfum eða nánustu fjölskyldu eða vinum (bara svo að fólk fari ekki á google og slái inn "ljótar grettur" eða álíka) frá árinu 2006. Myndirnar má senda mér á tölvupósti, osg2(hjá)hi.is, og rennur fresturinn út 13. febrúar. Myndirnar verða síðan birtar hér í heild sinni á væmnasta degi ársins, valentínusardegi, 14. febrúar. 1,2 og elda!

Update:
Reglurnar eru einfaldar: Myndin þarf að vera ein, ekki margar og vera frá því í fyrra. Þegar að 14. febrúar rennur upp verða ALLAR myndirnar birtar hér og fólk greiðir sínum 3 uppáhalds atkvæði. Síðan fá þær myndir sem fólk setur í 1. sæti = 1 stig. Myndirnar sem fólk setur í 2. sæti = 1/2 stig. Loks fær myndin sem fólk setur í 3. sæti = 1/3 stig. Síðan vinnur sú mynd sem fær flest samanlögð stig.

Verðlaunin hafa verið ákveðin (stendur í comments líka): Þríréttuð máltíð í mínu boði (sem ég elda...spurning hvort fólk þori) og kvöld af skemmtun, kvöldskemmtunin verður ákveðin síðar og tilkynnt hér. Þessi verðlaun verða veitt við hátíðlega athöfn eftir síðasta prófið mitt 5. mars og fyrir 1. apríl (ekki aprílgabb samt, hehe).